Apríl prófið fellt niður

Vegna seinagangs á samþykki umsókna um veiðipróf 2019 þá er fyrirséð að það er of kostnaðarsamt að halda prófið í apríl og það kæmi út í miklu tapi.

Því miður hefur deildin ákveðið að fella það niður.

Önnur próf deildarinnar standa og verður það næsta í júlí (sóknarpróf) og næsta í september (heiðarpróf).

Úrslit í Barking Heads prófi DESÍ

Í gær var gengið í vondu veðri á neðri hluta Mosfellsheiðar en á endanum þurftum við að gefast upp fyrir veðurguðunum, enginn hundur lauk prófi í gær.

Í dag var betra veður og heldur léttara yfir mannskapnum. Gengið var ofarlega á Mosfellsheiði án þess að drægi til mikilla tíðinda.  Seinnipart dags var haldið neðar á heiðina þar sem fuglar fundust frekar fljótt.

Dagurinn endaði með því að tvær tíkur, báðar hoknar af reynslu, lönduðu 2. einkunn. Þetta voru þær stöllur Rjúpnasels Rán og Háfjalla Parma. Parma var jafnframt besti hundur prófs.

Stjórn DESÍ óskum einkunnahöfum innilega til hamingju.  Einnig viljum við þakka öllum þátttakendum prófsins fyrir samveruna um helgina og Þorsteini Friðrikssyni fyrir myndina sem fylgir fréttinni.  Þökkum Grétu og Kjartani líka fyrir beina lýsingu á Facebook síðunni.  Við þökkum starfsfólki prófsins og dómaranum Kjell Otto Hansen fyrir að leggja á sig ferðalag frá Noregi til að dæma hundana okkar einnig dómaranemanum Einari Erni fyrir sitt framlag í dag.  Að lokum þökkum við styrktaraðila prófsins, Dýrabæ sem er umboðsaðili fyrir hið geysivinsæla gæðafóður – Barking Heads.

BARKING HEADS próf DESÍ

Barking Heads próf DESÍ fer fram nú um helgina.

Styrktaraðili prófsins er Dýrabær.

Prófstjóri prófsins er Ólafur Örn Ragnarsson.
Dómari prófsins er Kjell Otto Hansen.

Prófsetning er báða dagana klukkan 9:00 í sólheimakoti.

Prófað verður eftir þeim reglum sem hafa verið í gildi síðustu ár þar sem nýjar hafa ekki verið samþykktar.

Þátttakendur þurfa sjálfir að skaffa rjúpu í prófið, eins er hægt að framvísa sóknarvottorði við setningu.

Prófinu verður slúttað báða dagana í sólheimakoti.

Prófið fer fram á morgun laugardag við draumaland (nesjavallavegi, neðarlega) og verður farið út að Lyklafelli. Menn er vinsamlegast beðnir um að vera ekki að æfa á svæðinu á laugardaginn.
Read more

Dómarakynning

Dómarinn í Barkingheads prófinu verður Kjell Otto Hansen.
Við fengum hann til að senda okkur smá kynningu á sér:

Hi, my name is Kjell Otto Hansen, 60 years old.( but feel alot younger.)
I have been hunting with dogs since early 80`s, mainly with gordon and
englishsetters. Have been a judge since 95. Have been lucky to judge the
Norweian Champion finals twice. Have two english setters, one 4 years
old, and one turning 2 years this summer .Looking forward to judging
your dogs.

Keyrum þetta í gang

Á morgun (laugardag 2. mars) verður fyrsta æfingarganga ársins.

Áætlað er að hafa nokkrar göngur fram á vor og verða þær auglýstar á sunnudögum fyrir hverja viku.

Sem fyrr segir þá verður fyrsta gangan á morgun klukkan 11 og er mæting á sólheimakotsafleggjarann (er á móts við nýja fangelsið á hólmsheiði).

Allir eru hjartanlega velkomnir og þetta er kjörinn vettvangur fyrir nýliða til að kynnast “sportinu”.